士林棧 (Closed)

呢排 Bel Bel 都和朋友一起去大角咀，發掘一下有乜好食，既然我都好耐無食過台灣菜，於是就決定去士林棧尋找台灣之味。我叫的台北肉燥糖心蛋陽春麵 (牛展湯底)，湯底味道相當濃的牛湯味，加埋香濃的肉燥、葱，整碗的味道相當濃郁，仲有好多芽菜和幾條白菜，份量相當豐富。唯獨是麵條煮得太稔，唔夠爽口彈牙。上面的糖心蛋，雖然賣相麻麻，不過都見到有流心，蛋黃甜甜地，都幾好味。朋友叫的蒜香雞中翼米線 (清湯底)，朋友說米線質感很爽口彈牙，不過雞翼炸得太乾身。脆炸芝心雞扒是這店的邪惡之選。雞皮炸得卜卜脆，加上湧出來的芝士，真的讓我這個芝士狂魔滿心歡喜！雞肉都幾嫩滑，雞肉中間又有芝士湧出，喜愛多重口味尤其係芝士的朋友不容錯過。一啖雞肉一啖芝士再加一啖酸梅醬，點少少酸梅醬可以稍為減下芝士的肥膩。雖然好味，但吃得太多卻很油膩，幸好有朋友一起分甘同味，否則便糟塌廚房的心血。凍草苺紅茶，雖不太特別，但都幾好飲。呢餐每人都係六十零蚊左右，麵線的份量好多，都好抵食。不過我覺得距離台灣的地道美味尚欠一點，還有改善的空間。