千賀水產 (Closed)

平日旺角返工，放工返到元朗都已經成8點幾，d fd話想食放題咁就係元朗搵下有咩放題好食啦！openrice下見到千賀水產唔少人話唔錯，而且9點後仲有2人同行1人半價，就一於決定試下呢間。一入去職員就會比個夾糖袋仔你，比你拎去夾糖🍭，而且d糖仲可以拎走！雖然款式唔算好多，但有我最愛既可樂糖就夠！🍬🍭入座一陣職員就會拎盤海鮮比我地燒，呢盤海鮮同自己寫紙果d唔同，有大大隻鮑魚、元貝、蠔！本身諗住放題d燒海鮮應該麻麻地，但今次個蠔同元貝都幾好味！🤤🤤  放題最重要緊係刺身啦，呢到d刺身同普遍餐廳既款式都差唔多，味道正正常常～ 天婦羅都算唔錯🍤！朋友認為炸芝士好好食，自己食完覺得都ok！焗物方面，朋友同自己都大愛芝士焗蠔同芝士焗元貝，呢個真心好好食！😍朋友不斷encore～大家都認為呢個係最好食既野～ 2人同行1人半價食到咁多野，都算唔錯啊！🤩