Ben哥米線 (Closed)

行過新蒲崗，見到有好多人食呢間Ben哥米線，見到佢個餐牌好似幾抵食咁，所以就決定試下。佢嘅午餐($41)包一個小鍋米線，任揀三樣$7嘅餸，同埋一杯嘢飲。如果想揀其他湯底或者其他價錢嘅餸就要加錢。我嗌左蕃茄湯底加墨魚丸、豬皮同雞肉，朋友就揀咗腐竹、豬紅、魚皮餃同腩肉。雖然叫做小鍋，但係上到黎都好大碗。蕃茄湯底有好香番茄味，同埋有好多肉碎，啲餸嘅份量都幾多，味道就不過不失，作為午餐來講都算係大份又抵食。唯一嘅問題就係我哋坐嗰邊有好多蚊滋仔，一路食一路圍住啲客人飛，結果我地越食越快，想快啲食完快啲走。希望餐廳可以改善下呢個問題啦。