日滿屋 (Closed)

中價日式放題 ($228 +1)平時食放題成日都要出旺角、尖沙咀、銅鑼灣喱啲地方，不過今次係九龍城都發掘到有放題食🤔。食物選擇都算多嘅，刺身🐟、壽司🍙、串燒🍢、炸物🍤都一應俱全。講下刺身方面，就以珍寶大甜蝦、帆立貝同三文魚最為出色，又新鮮又爽甜😍，而且切嘅厚薄適中，唔會話超厚切勁hea咁。但係熟食方面選擇就少左啲，不過質素都ok嘅，炸蠔都算熱辣辣，蝦天富羅亦都新鮮。另外值得一讚，就係無咩漏單嘅情況👍🏻，上菜速度都幾快嫁。