Video
Read full review
2021-10-11
1249 views
喺附近睇完戲經過響茶，忍唔住又買左一杯🧋🧋因為本身住新界嗰邊，一定唔會放過買呢間嘢飲嘅機會！.1️⃣四季春黃金香蕉配斑蘭奶蓋（$38）打溶咗嘅香蕉沙冰配四季春，本身喺其他賣奶蓋茶嘅店已經少見，最特別嘅係響茶有斑。蘭。奶。蓋！🤤斑蘭無平時啲芝士奶蓋咁膩咁鹹，而佢又有平時食斑蘭蛋糕嘅香味喺杯茶度。香蕉本身係啲易滯嘅生果，加埋四季春就無咁漏，700mL杯嘅份量算係抵飲！.2️⃣紫薯芋泥鮮奶波波（$39）本身第一次買係想試呢杯先，但肚肚quota有限。最近再嚟買嘅時候發現加咗$4🥶（之前$35）佢啲芋泥有部分係好似黑糖鮮奶咁，係癡咗喺杯內圍，飲嘅時候要用飲管刮落嚟再撈勻。芋泥唔算係最稠嗰種，好香芋頭味，易啜上嚟，同鮮奶好夾。啲珍珠係煙韌嗰種，可惜唔算好濃味，而且飲到一半會好滯，成杯嘢係靠個芋泥救返，個樣就幾打卡able嘅🤩🤩. 💕其實響茶啲水果茶係幾抵飲～除左大雜燴嗰款，其他全部都係$24-28不等
.
1️⃣四季春黃金香蕉配斑蘭奶蓋（$38）
打溶咗嘅香蕉沙冰配四季春，本身喺其他賣奶蓋茶嘅店已經少見，最特別嘅係響茶有斑。蘭。奶。蓋！🤤斑蘭無平時啲芝士奶蓋咁膩咁鹹，而佢又有平時食斑蘭蛋糕嘅香味喺杯茶度。香蕉本身係啲易滯嘅生果，加埋四季春就無咁漏，700mL杯嘅份量算係抵飲！
.
2️⃣紫薯芋泥鮮奶波波（$39）
本身第一次買係想試呢杯先，但肚肚quota有限。最近再嚟買嘅時候發現加咗$4🥶（之前$35）佢啲芋泥有部分係好似黑糖鮮奶咁，係癡咗喺杯內圍，飲嘅時候要用飲管刮落嚟再撈勻。芋泥唔算係最稠嗰種，好香芋頭味，易啜上嚟，同鮮奶好夾。啲珍珠係煙韌嗰種，可惜唔算好濃味，而且飲到一半會好滯，成杯嘢係靠個芋泥救返，個樣就幾打卡able嘅🤩🤩
.
💕其實響茶啲水果茶係幾抵飲～除左大雜燴嗰款，其他全部都係$24-28不等
Post