Mercury Recalls by Lost Stars

Open Now

Now Closed

最近喺網上見到銅鑼灣有間超吸引嘅新餐廳，叫 Mercury Recalls，由 Lost Stars 開設，呢晚就同好友去試吓。餐廳有3000呎咁大，裝潢充滿日本原宿咖啡店風格，木系傢俱加上昏暗燈光，真係好悠閒舒適。四周仲有唔同年代嘅黑膠唱片，呢度係餐廳、酒吧、咖啡店、表演場地同唱片行嘅完美結合。🎶我哋先叫咗 U.S. Black Angus Rib Eye Steak ($368)，中等五成熟，肉質超嫩，啲油脂分佈得好好，有入口即溶嘅感覺，配上法式伯那西醬汁，味道豐富，絕對值得推介。而且星期日至三晚市仲有優惠，叫呢款主菜可以免費任食三款招牌薯條，真係唔可以錯過！🍟迷你德國咸豬手，$198！講真，份量一啲都唔迷你！外皮酥脆得嚟唔油，咬落去仲有啲咔吱聲，肉質鹹香十足，再加埋蜜糖芥末醬，味道提升到另一個層次，好滋味！😋 如果你都鍾意德國豬手，呢個真係唔可以錯過！🍖飲品方面，我試咗 Santé ($148)，用白桃利口酒調製，果香濃郁，白茶味道細膩，仲加咗啲青檸，酸酸甜甜刺激你味蕾。杯上印有黑膠唱片圖案，音樂氛圍滿分！❤️呢度仲有駐場嘉賓表演，真係有飲有食有音樂🍽️🎶但音樂真係太大聲了 有種頭痛