冰雪公主 (Closed)

千層年糕蛋糕千層年糕蛋糕，外型似LADY M 嗰款萬人迷蛋糕。中間一樣係用CREAM做夾心，但就由蛋餅變成韓國年糕。由於係年糕關係，所以用黎分隔開CREAM既「蛋餅」會比較厚身，所以都有少少難切，但食落去的確令人驚喜！通常打好左既 CREAM 都會配甜品，感覺上，用CREAM黎配咸點好少有。但今次呢個甜品既味道又出奇地夾，咬落去煙煙韌韌，CREAM既甜味中和左味道偏淡既年糕。但亦唔會令年糕失去本身既味道。加上出面比較少見，值得推介！擁抱太陽的軟骨鍋自己本身偏好食軟骨，所以都嗌左呢個鍋試下。豬軟骨好入味，加埋有芝士＝同飯，成個鍋咁上，本身都已經覺得好吸引。最重要既係店主為食客準備左原粒白芝麻同整碎白芝麻既工具比我地，篡我地可以試下好似以前啲韓國人咁喺到「樽」碎啲白芝麻，好好玩！個飯本身都有用黎整豬軟骨既汁同芝士，已經好香。加埋白芝麻落去再食，會更感受到味道上有唔同既層次。一擺入口，白芝麻既香率先帶入口中，但過多陣就會食到芝士既香味。芝士香中會帶少少豬軟骨既咸香，到最後係豬軟骨個汁既香味會喺口中爆發出黎。鍾意食豬軟骨既朋友不妨一試。