雲長小龍坎老火鍋 (Closed)

慶祝朋友終於搵到新工，我地一行三人就搵左呢間雲長小龍坎老火鍋，呢排聽講都幾hit，上網評價又唔差，一於就食呢間啦! 上到呢環境幾好，係古色古香風格，好有中式風情的感覺。服務方面印象好好，樓面姐姐非常友善，而且好好笑容，會主動幫手加湯，食到咁上下又會黎執枱，又會問下味道點樣，好貼心。食物方面當然係最重要，我地點左一盤和牛，上枱見到雪花紋靚靚，份量都幾足，放落個麻辣湯度滾兩滾轉色就可以食，入口軟綿綿，加埋惹味湯底，正喎! 之後仲叫左好多配料，全部都夠新鮮，而且份量十足無花假，個人大推爽脆鱔片、彈牙墨魚滑、黃沙豬、薄切豬肉，全部都值得一試。