高木炭火鳥燒 (Closed)

耐唔耐就想食串燒，但之前鍾意食喺深水埗果間執咗....之後搵到尖沙咀嘅高木炭火鳥燒，居酒屋形式經營，又未去到好吸引到會不斷回頭，但想同朋友傾下計、飲下酒、食下串燒都唔錯嘅~ 大家有無好食又抵食嘅串燒店介紹?•📸 日本芝士年糕👍🏻︰芝士唔係太濃，但口感鬆軟幾得意📸 明太子飯糰👍🏻︰明太子飯糰嘅底面燒到脆脆地，仲有紫菜比你包住食，幾鍾意呢個飯糰~ 所以叫咗2個！📸 茄子︰係小兩塊茄子串起嚟燒，有搽到燒汁，但好似原條燒會滿足啲📸 芝士大菌︰鋪咗芝士嘅燒大啡菇好Juicy~📸 雞軟骨👍🏻︰燒到乾身，加上調味粉，係食串燒必叫之一！📸 七味豬頸肉︰一塊豬頸肉燒完切開6條，咬落幾爽口，唔會太乾📸 免治雞肉👍🏻︰呢個係免治雞肉棒配醬油同生蛋黃，好彩入面混咗啲肥同軟骨，令到雞肉棒有啲咬口又唔會太嚡📸 日本A4和牛+ 安格斯牛︰肉味幾濃，肉質幾嫩📸 黑松露雞脾菇📸 車厘茄煙肉卷📸 露荀豬肉卷當日平日夜晚去唔多人，Book咗都唔使等，全部串燒都即叫即燒，都唔使等好耐，不過大部分肉類調味都鹹咗少少😢