基地貳 (Closed)

星期二老公揀左呢間餐廳同我慶祝生日，因為過幾日就飛英國，費時再食西餐，於是揀左食泰國菜，呢到最大既賣點一定係會變幻既螢幕。望左一輪餐牌，發現全部都偏貴，加上我地飽飽地，返到屋企要繼續食Lady M Tiramisu Mille Crêpes， 最後叫左四樣野食。好彩Openrice book枱有88折，最後埋單$610。虎蝦冬蔭陰功湯得一隻蝦，真係好少，蘑菇都有啲，湯既份量亦都好少，但味道係唔錯既。泰式肉碎生菜包呢個越食越辣，幾惹味。沙嗲串燒有4串，2串雞肉，2串豬肉，唔算鞋，但食唔出個醬係沙嗲醬。基地龍蝦炒飯炒飯唔算好乾身，龍蝦肉比較結實，不過不失。