金沙角冰室 (Closed)

太子特色冰室旺角太子一帶好多茶餐廳同冰室，今日介紹嘅係一間裝修同嘢食都幾特別嘅冰室。鰻魚奄列蛋包飯配咖哩好少見鰻魚飯會配埋咖哩汁，鍾意食咖哩嘅我梗係要試吓啦，估唔到咖哩汁有驚喜，用嚟撈飯好正，啲薯仔又好淋好入味，下次要直接點個咖哩飯食先得。意大利海鮮燴飯呢款就偏西式少少，賣相都唔錯，啲飯有好濃啲蕃茄味，又幾好味喎，不過就唔係意大利飯。而海鮮份量都多，蝦、青口、魷魚同帶子鋪滿個碗。每個飯都有跟湯同嘢飲。我哋要咗幾特別嘅奶茶紅豆冰同阿華田紅豆冰，又幾夾幾好飲呀。