Pan da Cafe

Open Now

Now Closed

今日特別黎西貢交遊開心遊😙🫶 之後搵到依間靚靚特色Cafe 落腳偈一偈😚 聽餐廳職員推薦，首先試咗佢地個法式焗田螺🤭 D 田螺又新鮮又肥美，食落啖啖肉，口感又爽又彈牙，煮得好入味超濃郁😆 好高質❣️ 之後㨂咗🐧🐧 buddy 最喜歡嘅法式田螺焗大啡菇🤭 大啡菇夠厚肉，口感勁滿足😍 食落菇嘅鮮香好突出，吸納埋田螺獨有嘅滋味，真係一百分✅ 主食我哋要咗個美國安格斯扁胛肉眼🐮 牛扒勁大塊好足秤👍 食落牛味好濃郁，肉質軟腍無根，超級正❤️ 當然唔少得🐧 最喜歡嘅甜品❣️ 要咗一客雪糕窩夫三重奏🤩 三件香噴噴嘅窩夫上面，蓋著三球不同口味嘅香滑雪糕，食落甜美滿分🤩 冰火交融嘅口感令人難以忘懷😘 最後要咗一壺冷泡玫瑰清清喉😙 入口清香又解膩，酸酸地好醒神😘 迷人嘅玫瑰花香真係好正🫶🫶🫶