Cali-Mex Bar & Grill (Closed)

裝修得好有格調嘅餐廳，播住音樂好有氣氛。啲嘢食唔錯，只係出菜都幾慢下，明明都只係2 3圍枱，但都要等好一段時間。嗌左個烤雞薄餅，出奇地正，脆脆地嘅外皮好好食，入面有芝士加晒分，啲雞肉唔怕柴，配埋上面嘅牛油果蕃茄醬更加正，口感又多啲層次。肉眼扒同龍蝦不過不失，而魚柳好值得一提，彈牙得嚟又好滑，正，之後個黑松露薯條都好正，值得一試。apple crumble係幾正，但carrot cake太甜，嗌之前要諗清楚。總體而言都尚好。