Video
Read full review
2016-09-23
2573 views
想食Indian food，除左尖沙咀，其實好多地方都仲有好多選擇，而且亦因為位於小社區內，口味相對仍能保存原味。周不時會黎呢度食飯，除左味道幾正宗，價錢平，仲好有小店風味，人情味濃。食完唔夠喉，又可以買d印度甜品例如Ladoo返屋企食。印度甜品係好甜，不過比起喺印度食果d，香港的甜度已經係調整左，但仍然係甜。小店係family business，所以好多野都係一腳踢，如果真係想去食，請俾少少耐性，店員其實係好nice，無甘忙時都會同食客傾下偈。一個月總會幫襯幾次，觀察所得，黎呢度的食客主要附近街坊，印度人同香港人都有，好大部份係熟客。我亦都見過有新食客黎度，見到呢度並唔係好似外面d餐廳甘好熱情招呼，或者唔係好知究竟食咩，望完menu就走左。呢度成日都播住Bollywood d歌，雖然成日俾我d freinds笑我，但仍然係好喜歡Bollywood歌舞，跳Bollywood Dance係要好開心笑住跳架！(印度Bollywood係全世界出產電影最多的地方，多過Hollywood)餐廳唔係好大，有時需要搭枱，要有心理準備。餐廳亦設有洗手盤同hand wash設施。佈置係好印度feel。坐
小店係family business，所以好多野都係一腳踢，如果真係想去食，請俾少少耐性，店員其實係好nice，無甘忙時都會同食客傾下偈。一個月總會幫襯幾次，觀察所得，黎呢度的食客主要附近街坊，印度人同香港人都有，好大部份係熟客。我亦都見過有新食客黎度，見到呢度並唔係好似外面d餐廳甘好熱情招呼，或者唔係好知究竟食咩，望完menu就走左。
呢度成日都播住Bollywood d歌，雖然成日俾我d freinds笑我，但仍然係好喜歡Bollywood歌舞，跳Bollywood Dance係要好開心笑住跳架！(印度Bollywood係全世界出產電影最多的地方，多過Hollywood)
餐廳唔係好大，有時需要搭枱，要有心理準備。餐廳亦設有洗手盤同hand wash設施。佈置係好印度feel。
坐底一陣就送上脆餅。佢地d脆餅係視乎當日供應如何，如果無曬，就未必會送。呢日早到，仲有得食。佢d辣醬同薄荷醬係我食過之中，味道最好味。
呢日叫左薄餅set，唔好睇少佢，食完係會超級飽。薄餅新解整起，熱辣辣，由2片好薄的薄餅組成，內面有少量洋蔥、咖哩、青椒，透出淡淡小麥香，食落係有咬口同「o趙」頭。可以點埋醬一齊食，不過今日個醬好辣下。呢度最好食係佢個乳酪，個人認為係神級，嗱! 甘個個人口味唔同，不過我搵左好多地方，呢度係令我念念不忘。佢乳酪味道唔太酸，口感豐盈而且滑溜 (絕對唔會一舊舊，食開乳酪的人應該知我講咩)，同時仲加入莞茜(唔食莞茜就唔好試)，又有小粒狀乳酪芝士，味道口感層次極為豐富。唔好睇少果幾片青瓜、紅蘿蔔，食埋佢，可以去下膩感(印度人食飯的確係會整一碟青瓜、紅蘿蔔、蕃茄送飯，可以一片片就甘食，唔洗撈野)。
最後，當然係飲Masala Tea無得輸。香料味重，奶唔算好多 (就Masala Tea而言，同最近一次去Sangeetha比，我比較喜歡呢度。之前係喜歡Sangeetha多d，最近去覺得佢口味有少少調整左)，最重要係以呢個價錢而有呢個水準。我通常會叫佢地遲少少先上，可以熱d，而且食完野飲係最正，絕對係我的comfort drink。仲記得有日老闆娘比較得閑，遞上Masala Tea時仲同我同廣東話講左句「奶茶」，然後一齊喺度笑。想食比較正宗又抵食印度素色，呢度係一個唔錯的選擇。
Masala Tea
56 views
0 likes
0 comments
Other Info. :
Menu有圖、有中文、英文，如果第一次食印度食物或印度素食唔知叫咩，可以問下店員，或者叫set。佢d set唔係出面d set，而係d好似2餸3餸果d sets。Dosa、米餅sets亦唔錯，單叫一件件炸物呢度亦係整得好好食。不過Lassi(飲的乳酪)就無冰，會厚身少少。至於印度Lemonade呢，唔建議叫，唔係人人接受到，我自己都接受唔到，如果想有新體驗就另當別論。
(The above review is the personal opinion of a user which does not represent OpenRice's point of view.)
Post
