茶研｜The Tea Academics (Closed)

呢間茶系cafe想去好耐，平日1:45去都人頭湧湧，店員仲話要等40分鐘先有飯食，我以為我聽錯，原來真係40分鐘！反正我呢日真係要喺中環hea好耐，所以我就照入去等，lunch menu都幾多選擇，全部都係同茶有關。對茶漬飯情有獨鍾嘅我諗都唔諗揀咗eggplant tea rice $138 雖然製作需時，不過茶漬飯的確好高質，茶有鹹香和菇菌味，鹹香不會太重，配合茶嘅清幽，好似飲緊清湯咁，茄子有醬油嘅味道而且好綿密，好似食緊肉咁，完全唔會覺得好齋，份量可能會唔係好夠，如果唔想食太heavy都適合嘅。黎到呢度當然要叫招牌嘅普洱拿鐵 $38，一開始會覺得有少少甜，之後就完全唔覺得，普洱茶葉味道都好重，入口係順滑，上面仲有朱古力粉增加風味，聞上來幾香，不過覺得茶多奶少同埋好快溶曬D冰，所以飲到最後有D尷尬，同埋整體而言價錢都偏貴，平D會食得開心D。