韓正屋韓國料理 (海壩街)

Open Now

Now Closed

黎到喊左個二人餐，包括有前菜，人蔘雞湯，一碟鐵板肉(揀左牛肉)，同埋石頭飯(揀左雞肉)。仲有野飲。前菜冇影相，係泡菜同涼拌菠菜，我幾鍾意泡菜，爽脆得黎味道鮮辣，味道正宗。人蔘雞湯真係估唔到佢係成隻雞，係足料之作。雞入面包住紅棗，糯米，人蔘，係正宗做法，令湯更加鮮甜綿密，飲一啖相當暖胃，味道很鮮甜，有陣陣蔘味，令人十分滿足。接下來我地食石頭飯。其實食石頭飯都係為左食飯焦，依個鍋底夠熱，所以好容易就整到。飯焦既乾脆焦香，同埋熱嫩的雞肉，芽菜，翠肉瓜等一齊食，充滿住食石頭飯既滿足感。鐵板牛肉都幾多，同埋有少少洋蒽令佢味道更香，食落幾嫩，十分入味，而且有鐵板的滋滋熱力，真的幾好味。十分下飯，不過食到依度，我地都幾飽，所以冇食哂啲飯。環境幾闊落，唔會好迫，食既時候都幾舒服，食物質素唔錯，特別鍾意個人蔘雞湯。