狂野麻神麻辣火鍋 (Closed)

🧡無論冬天定夏天都超鍾意打邊爐，今日去咗呢間狂野麻神麻辣鍋打邊爐。入到去餐廳冷氣好足夠❄️，而且抽風系統都做到好足，燈光有格調同氣氛，座位空間闊落🪑。天口太熱坐低即刻叫杯水果茶解渴🍹，水果茶入面有幾款水果，味道甜甜酸酸好開胃。🌈海鮮盛合好扺食一盤有哂鮑魚，蜆，扇貝，蟶子，海鮮好新鮮，口感爽口鮮甜。✨湯底方面我哋揀咗個鴛鴦鍋🍲，兩款湯底有經典花膠雞湯同麻神麻辣湯。花膠雞湯入面有鮮雞半隻🐓，湯底雞味濃郁材料豐富，最吸精的牛肉盛包含多種牛肉🐄，有牛頸脊，牛小排，牛胸爽，牛根膜同一口牛，唔同部位都可以食到，而且牛肉新鮮紅潤，口感細嫩，必食。👍👍👍最後叫左個水晶寬粉做句號，水晶寬粉煮熟後口左煙韌，大滿足！🥰😍