萬波 (Closed)

行過幾次都無試過，其實都有D好奇，咁啱想飲，都想試下。於是買左招牌哩款~香草籽與咸奶油布蕾表面其實係好靚，輕輕燒左下咁樣，好吸引。同埋佢個杯蓋係特別既，同其他飲品店係唔同。店員叮囑要呷一口面層既芝士。D芝士真係幾特別喔，少少芝士鹹味，好creamy好厚實。嗒多兩嗒，會感覺食到D香草籽，因為有少少似食到沙咁感覺 XD 而直接飲下面D茶，係幾濃都有茶香。攪勻之後就無咩特別，係正常水平既奶蓋茶口味。佢既裝修都幾特別，好似D台灣鄉村診所咁樣，有D搞笑。