潮民

Open Now

Now Closed

最近在屋企附近開了一間新的火煱店, 睇過份傳單, 好似幾吸引， 所以去試吓。去之前上openrice睇咗食評， 有唔同嘅食評都推介洛神花茶， 所以叫了杯試吓， 真係幾好飲喎！我地叫咗個set, 揀潮式牛腩清湯底, 伙記話除了牛腩外， 另外再加黄牛骨、芹菜等煲左6小時, 味道好正！另外值得推介嘅係佢地嘅愛心餃， 話係老闆自己係屋企包嘅， 唔知係咪真啦， 不過都有好多料， 好香!牛丸同墨魚丸都好彈牙, 話係手打過喎。另外我地又叫咗一隻蟹， 都幾大隻， 味道幾鮮， $128原隻；價錢算係ok啦。最後我覺得最值得讚嘅係佢地嘅服務態度， 好親切， 佢地有成10幾種醬料， 我地唔知溝邊種醬好， 店員同我地慢慢解釋, 重幫我朋友溝埋。所以我咪寫篇嘢上嚟讚吓佢地囉。總括來說，食物都好新鮮， 幾特別同幾多選擇， 都值得介紹比人試吓。老闆好好傾， 臨走重問我地嘅意見， 重話下次幫襯如有3位叫set會送1位呀。