101肉燥飯專門店 (厚福街) (Closed)

夜晚好肚餓好多地方都滿曬， 唯獨呢間比較鬆動，就入咗去試啦， 點知 一碗台灣牛肉麵都整到咁難食，真係要檢討下， 一來就見到成碗湯上面浸住油咁兼湯底一啲味都冇，連用有味道嘅湯送麵嘅希望都冇，如果嘗試一大口湯跟麵一齊吃就成嘴成面都係油，而牛肉雖然係大大嚿但係就沒味道之餘十分鞋，麵條亦冇口感，其實食食左一半己經唔想繼續，雖然價錢唔係貴但認真失望。即使小食都唔好得去邊，同樣炸墨魚丸食到一口油，連燒雞翼都沒咩味，總而言之，多油而冇味道的一餐。希望餐廳重新評估下食物質素，真的需要改善。