Cafe REVOL

Open Now

Now Closed

入店自己一個想搵個地方坐低慢慢食，於是就入左黎。不過我同另外兩位客人係門口等左一陣都冇店員走出黎幫我地探熱。之後見其中一位客人主動走入去搵店員，先有人幫我地探熱同帶位。如果店員可以多D留意門口位置有冇人，更加主動叫客人入店探熱就好啦。環境入到店就係工業風，裝修幾有特式。枱同枱之間都有膠板隔住，感覺夠曬安全而且坐得都幾舒服，坐位都闊落，岩曬自己一個坐低慢慢食。落單到落單啦，本身想叫花香柚子綠茶既，不過岩岩好賣曬，而我又唔多飲咖啡，就諗住唔要飲品。不過旁邊店員聽到，就主動問我要唔要柚子水加玫瑰，感覺好細心呀。開餐！我落完order唔洗1分鐘就已經有飲品送到。雖然係水，但感覺唔淡，柚子都幾甜，而且都幾香玫瑰味。(如果下次menu有柚子玫瑰水就好啦)之後再等唔夠5分鐘，意粉都送到。意粉唔會好淋咁，好有咬口而且有好多菇同黑松露，好足料，而且味道幾香。