燒肉酒場 (Closed)

本身同朋友等牛角，但等左半小時張飛都無郁過。太肚餓o既關係，同朋友即刻搵下附近有無其他燒肉食，咁啱搵倒呢間就試下先。首先黎左個椰菜絲沙律，圍爐蔬菜係可以添o既，好味道，配肉黎食唔會太漏啱啱好。因為好餓，叫左客炸餃子同炸雞軟骨食住先，兩樣炸物都係新鮮炸起，好味。牛肉大盛同豚肉大盛係classic燒肉，質素好好，量唔太多每樣有兩舊仔，最好味係豚肉肉眼，一入口真係好香油脂味。唯一一樣燒極都唔熟係雞翼，店員好好咁幫我地處理好，最後個份量係啱啱好。值得一讚係店員服務，態度非常友善，而且一直有幫我地添水同清枱。呢個價錢食倒呢個質素，滿足，可以再黎試其他野食。