霸嗎拉麵 (Moved) New Location

同honey去拍拖拖睇戲之前，我地先行咗去拉麵街度醫肚。由於實在太多選擇，大家都唔想嘥精神諗食邊間，所以就求其行咗入去第一間唔洗排隊o既「Bari-Uma廣島霸嗎拉麵」 。傍晚六點半左右，拉麵屋已五成滿，服務生好客氣地俾我地揀坐邊。座位其實全屬半獨立式，一個人自己黎食都唔會感到唔自然。店子間隔全用上木枱櫈及屏風，就連燈罩都係木造，和味極之濃厚，亦好通爽開揚。店內o既服務生個個都好年輕，而且每位都一樣咁友善有禮 。入座後先送上凍水，用餐途中更會不斷留意客人所需，並自動加添茶水，小肥真係有少少意外。餐具同醬油則全為自助式。為咗要留肚食爆谷同甜品，兩口子決定叫一碗麵同兩個小食黎分。 炙燒豚肉味玉拉麵（$90）：除咗碗入面隻蛋未有開邊之外，實物同餐牌上o既圖案都有九成半相似。拉麵軟硬適中，豚肉腍身易咬，湯底雖則好夠香濃，但就過份杰身，而且比較油膩，整體只屬一般貨式。 唐揚炸雞（$35/五件）：七蚊一件o既炸雞都算幾大塊，新鮮熱辣炸起，外皮香脆乾身，雞肉又唔嚡，無奈味道頗咸，搞到小肥要狂飲水黎化解 。 辛口燒餃子（$38/五件）：皮層超薄o既餃子燒得好夠香口，餡料輕巧軟脆，但就同炸雞