Video
Read full review
2024-02-28
1100 views
同家人慶祝生日🎂當然要簡番間fancy高級嘅餐廳🍴，決意再戰位於東涌喜萊登酒店二樓的中菜廳「采悅軒」，白天可睇到飛機✈️升降，晚上就遜色一點因為玻璃窗反光。一場黎到，當然請屋企人食餐好，決意品嚐其價位最高的套餐：盛惠HKD 1088 一位。前菜：話梅汁有機車厘茄：酸到全身都震動，話梅汁帶酸甜，同時品嘗到車厘茄清甜。晶凝花膠凍：用玫瑰花造型造成花膠凍，用上麻辣醬點綴，好特別，雞湯做湯底，花膠增加口感，食到一條條咬口花膠，補補骨膠原。秘製滷水蛋：加上魚子醬，升價十倍。滷蛋做到糖心流心效果，食落吾會膩。招牌妙齡鴿：呈上時熱辣辣，調味充足，不用蘸淮鹽都很夠味，一打開肉汁鮮嫩可口，仲保持到水份同油脂，一啖咬落，外表香脆帶焦，肉質嫩滑。很驚艷，好想嗌多隻。杏汁花膠燉菜膽：奶白色杏汁湯做間場清一清口腔，原片花膠長過我手臂，食起黎有膠質，骨膠原滿滿。湯頭呈奶白，杏汁夠曬杏仁味，吾講以為甜食😂。都幾得意。鮑魚扣鵝掌：鮑汁香濃，用上浸發起的六頭鮑，不是罐頭鮑魚，十分矜貴。處理恰當好處。不會太硬咬吾入，而是有咬口的嫩。鵝掌炆到好焾，一入口已骨肉分離。竹笙扒菜心：略嫌竹笙有陣UP味，菜心爽甜。黃豆酥白鱈魚🐟：白
一場黎到，當然請屋企人食餐好，決意品嚐其價位最高的套餐：盛惠HKD 1088 一位。
前菜：
話梅汁有機車厘茄：酸到全身都震動，話梅汁帶酸甜，同時品嘗到車厘茄清甜。
晶凝花膠凍：用玫瑰花造型造成花膠凍，用上麻辣醬點綴，好特別，雞湯做湯底，花膠增加口感，食到一條條咬口花膠，補補骨膠原。
秘製滷水蛋：加上魚子醬，升價十倍。滷蛋做到糖心流心效果，食落吾會膩。
招牌妙齡鴿：呈上時熱辣辣，調味充足，不用蘸淮鹽都很夠味，一打開肉汁鮮嫩可口，仲保持到水份同油脂，一啖咬落，外表香脆帶焦，肉質嫩滑。很驚艷，好想嗌多隻。
杏汁花膠燉菜膽：
奶白色杏汁湯做間場清一清口腔，原片花膠長過我手臂，食起黎有膠質，骨膠原滿滿。湯頭呈奶白，杏汁夠曬杏仁味，吾講以為甜食😂。都幾得意。
鮑魚扣鵝掌：
鮑汁香濃，用上浸發起的六頭鮑，不是罐頭鮑魚，十分矜貴。處理恰當好處。不會太硬咬吾入，而是有咬口的嫩。鵝掌炆到好焾，一入口已骨肉分離。
竹笙扒菜心：
略嫌竹笙有陣UP味，菜心爽甜。
黃豆酥白鱈魚🐟：
白鱈魚呈一梳梳狀態，質感好實淨，一咬即脫，黃豆酥食落似炸蒜蓉，但又又無咁重口味。不錯。
瑤柱蝦粒西班牙黑毛豬叉燒炒飯：
飯粒粒粒分明，叉燒好有咬口，蝦粒爽彈，出色！炒得好干身有鑊氣，好味。
楊枝甘露：
傳統楊枝甘露組合，一定要有西柚紅柚的果肉帶酸，同時有芒果🥭粒的甜，整體甜度適中。
壽包（提早預訂🈯️）
最鐘意用傳統造法，有曬一整個蛋黃同幼滑白蓮蓉，包夠鬆軟。
總結：
貴得有價值 服務態度好
會主動幫忙拍照📷
Post
