Carbone

Open Now

Now Closed

搵間米芝蓮餐廳同老婆慶祝結婚周年，行上蘭桂坊係有啲攰。間餐廳裝修如梳化、中間的酒吧、吊燈，都充滿外國古典味道，樓底唔高，但係冇乜冷氣，一坐低感覺有少少焗，但係真係好浪漫。侍應即刻新鮮切咗兩舊芝士。幾款麵包都好香脆新鮮，芝士味同蕃茄味都好重，cold cut 有少少漏同埋鹹，加上新鮮切嘅芝士味道好濃，真係要一路食麵包去中和返。侍應即刻係你面前整嘅新鮮凱撒沙律，最出色係頂頭最後加個幾條魚仔，同埋香脆嘅麵包，炸麵包仲有啲甜甜地，配上新鮮香甜嘅羅馬生菜，同埋大量芝士，份量又大，唔怪得知幾乎都見到有人嗌。龍蝦意大利雲吞，醬汁creamy，有用龍蝦肉粒，上碟已經分好二人份量，眼看份量唔多，但其實好漏好飽，味道濃真係好好味。換上咁靚嘅甜品碟，幾個侍應過嚟唱歌，送上甜品，同埋即影即有相片。佢哋甜品好特別，冇Menu，喺架車度自己揀。Tiramisu 蛋糕牌老婆自己加，好襯佢哋嗰甜品同埋隻碟。