Video
Read full review
2016-01-02
1482 views
呢間正斗，主打粥粉麵飯，點心小炒，每樣出品都耳熟能詳。《韓非子》有云：畫鬼最易，畫犬最難，因為人盡皆知犬為何物，畫得唔好，必然被人識穿。所以平凡出品先可以見真功夫。 荔灣艇仔粥$58材料比其他店舖豐富得多。除必備嘅碎牛、魷魚、肉絲之外，仲有鮮魚片同海蜇絲，味鮮粥綿，配合炸花生同葱花，口感豐富，收$58一碗的確有道理。 瑤柱真料裹蒸糭$72夠膽叫真料，材料的確係豐富。主打有原粒瑤柱、原粒蓮子、冬菇、肥豬肉、鹹蛋黃同雞髀肉，瑤柱蒸得夠腍，但雞髀肉嫩滑，鹹蛋黃起沙蓮子鬆化，糭本身糯米綠豆比例適中，夠鬆化，整體嚟講係高水準。 鮮蝦腐皮卷$38呢樣點心間間酒樓都有，但未必有呢度咁好食。上枱時三條腐皮卷都開二，六件中每件都有一隻迫爆腐皮嘅大蝦，新鮮爽甜，腐皮炸得乾淨無多餘油份，無花巧，但手法高明。 鹹魚雞粒炒飯$128材料都不外乎字面見到嗰幾樣嘢，精彩之處在於手工。鹹魚肉同雞肉剁得細碎，令味道更平均。飯粒乾爽企身，而且每粒都沾滿老抽，加入少量薑茸同炒，增添香氣之餘，令炒飯更有層次，粒粒分明，亦無多餘油份，小小一碟炒飯，可見師傅功夫。呢度消費比之同類餐
呢間正斗，主打粥粉麵飯，點心小炒，每樣出品都耳熟能詳。《韓非子》有云：畫鬼最易，畫犬最難，因為人盡皆知犬為何物，畫得唔好，必然被人識穿。所以平凡出品先可以見真功夫。
羊城荔灣艇仔粥
$58
120 views
0 likes
0 comments
荔灣艇仔粥$58
材料比其他店舖豐富得多。除必備嘅碎牛、魷魚、肉絲之外，仲有鮮魚片同海蜇絲，味鮮粥綿，配合炸花生同葱花，口感豐富，收$58一碗的確有道理。
真料瑤柱裹蒸糭
$72
71 views
0 likes
0 comments
真料瑤柱裹蒸糭
$72
54 views
0 likes
0 comments
瑤柱真料裹蒸糭$72
夠膽叫真料，材料的確係豐富。主打有
原粒瑤柱、原粒蓮子、冬菇、肥豬肉、鹹蛋黃同雞髀肉，瑤柱蒸得夠腍，但雞髀肉嫩滑，鹹蛋黃起沙蓮子鬆化，糭本身糯米綠豆比例適中，夠鬆化，整體嚟講係高水準。
鮮蝦腐皮卷
$38
45 views
0 likes
0 comments
鮮蝦腐皮卷
$38
103 views
0 likes
0 comments
鮮蝦腐皮卷$38
呢樣點心間間酒樓都有，但未必有呢度咁好食。上枱時三條腐皮卷都開二，六件中每件都有一隻迫爆腐皮嘅大蝦，新鮮爽甜，腐皮炸得乾淨無多餘油份，無花巧，但手法高明。
鹹魚雞粒炒飯
$128
69 views
1 likes
0 comments
鹹魚雞粒炒飯$128
材料都不外乎字面見到嗰幾樣嘢，精彩之處在於手工。鹹魚肉同雞肉剁得細碎，令味道更平均。飯粒乾爽企身，而且每粒都沾滿老抽，加入少量薑茸同炒，增添香氣之餘，令炒飯更有層次，粒粒分明，亦無多餘油份，小小一碟炒飯，可見師傅功夫。
呢度消費比之同類餐廳貴五成左右，但以出品嘅水準又算係物有所值，抵唔抵食，見仁見智。純以味道而論，「正斗」二字，當之無愧。
P.S.餐廳整體光猛清潔，侍應服務殷勤敏捷，略嫌枱面太細，食得迫夾，但香港地寸金尺土，只要出品好，下次都會嚟迫吓嘅。
Post
