千樂燒味餐室 (Closed)

呢間燒味舖相信係新開，喺灣仔銅鑼灣中間嘅地舖，比起平時食嘅燒味飯盒係貴咗啲，不過有驚喜！從來都唔知道燒味舖原來有乳豬食，見咁耐冇去飲宴無得食乳豬，於是決定叫個乳豬飯～乳豬唔會太鹹但有味，最重要係塊皮超級脆，又唔會成舊都係肥膏！完全就係fit曬我呢啲怕肥又要食嘅人～～舖頭仲可以比客人預訂乳豬，係舖頭師傅係裏面即刻燒嫁！食唔曬全隻買四分一都無問題！下次大時大節搵乳豬可以試下呢道。至於環境，比起一般嘅茶餐廳或者燒臘舖真係乾淨好多，絕對可以安心食用。