食口福生滾麵

Open Now

Now Closed

我噚日同男朋友2點幾嚟依度食lunch，一入到去已經差唔到坐滿晒人，知道依度出名係雞同炸魷魚鬚所以兩樣我地都叫，跟餐個杯凍飲比平時餐廳大杯少少，好夠味唔係水咁淡嗰種，唔知係咪大杯咗😥所以我食食下成杯倒瀉咗😭成枱成地成 櫈都係，店員好好人，即時過嚟幫手，又比紙巾我又幫我將啲食物搬去另一張枱，仲要keep住有笑容有禮貌，我地轉咗另一張枱食野之後，店員仲過嚟睇下張單問我係飲鴛鴦定奶茶嘅再整過一杯比我😭，我已經唔好意思出聲由男朋友代我講😥。依度嘅雞係好好味， 酥炸魷魚鬚出色，店員服務態度更加係一流。