Ideas Dessert (Closed)

聽講呢間啲甜品幾好，於是打算同朋友黎試下❤️✨間舖下午三點開，今日機器故障，就下午三點半先開。（我地下午兩點五十分已經到達，而且我係見到店鋪任何地方都無任何人排隊。）一位男店員見我地企係店鋪出面，就叫我地去前門等派籌。我地好耐心咁等到三點半，然後發現店鋪另一邊門口已經有大批啱啱到嘅客人排隊拎籌。我地排左三十分鐘，無人派籌。而人地遲過我地到，就可以拎到籌。究竟係乜道理黎😂店員仲理直氣壯咁講「三點正已經派籌俾客人，你地要等到四點四十五分先有位」，講真，我兩點五十分到三點都見唔到有客人排隊拎籌，唔通三點正有班幽靈排隊拎籌？？講大話都唔好講得咁有破綻😂第一位黎處理問題嘅店員聽到我地三點前已到，佢猶豫左好耐，但第二位店員就好堅決咁講三點正準時派籌，試問如果你地係咁肯定自己三點正有派籌，咁點解第一位店員唔一開始就反駁我地？建議你地下次講大話前夾定先，講個大話都講到咁蝦碌，叫人地點信你🤔❓跟住我地同店員解釋，係一位男店員叫我地排正門拎籌，涉事男店員唔認有講過。呢間舖啲店員講大話嘅功力真係令我敬佩👍🏻唔單止係我遇到呢個問題，有部分同我地一樣三點前到嘅客人都遇到同樣問題。但遇上店員們大話冚大話，投訴無果，