Video
Read full review
2023-07-04
1166 views
早兩日約左班朋友係佐敦 #星小館 開餐，一行5人7點就已經坐低，經侍應介紹，揀左以下幾款小菜#生猛澳洲龍蝦-除左賣相靚之外，龍頭本身做緊特價，$438有一斤四両，真心抵食，而呢個龍蝦除左夠肉地之外，上碟仲有少少炒飯同米通，增加唔少口感，好好味，下次再有機會黎而仲有優惠既話，一定會再encore呢個，仲有個驚喜位係個蝦頭，估唔到有咁多蝦膏，勁香甜，撩下撩下好滋味🤤#煎蓮藕肉餅-朋友話呢味係功夫菜，自己唔會整，所以點左黎食，肉餅做得幾鬆，上枱亦好熱辣辣，可惜就係太咸，或者要黎送飯就岩岩好#古壇酸菜天然海鱸魚-初初都擔心會辣，但又想像中無咁辣，值得一賺既係，d侍應會一直留意住個碟底個蠟燭有無熄，熄左就會禽禽青黎點反著，務必令餸菜保持溫度，魚係滑既，不過略嫌清魚骨清得唔夠乾淨，間唔中有一兩塊要挑骨#海南文昌雞-唔知係咪而家既文昌雞唔使行唔使郁，叫左半隻雞但好肥，成口肥膏，但隻雞係整得好滑既#醉粒粒豬手-豬手切到細細粒，要黎送啤酒好正，d毛都算處理得乾淨，只有一兩舊仲有少少，算合格啦最後，想講一件事，我地點餐係7點，但去到8點所有菜都上左，淨係差個龍蝦未到，咁我地正常都追啦，追左幾個侍應，最後頂
#生猛澳洲龍蝦-除左賣相靚之外，龍頭本身做緊特價，$438有一斤四両，真心抵食，而呢個龍蝦除左夠肉地之外，上碟仲有少少炒飯同米通，增加唔少口感，好好味，下次再有機會黎而仲有優惠既話，一定會再encore呢個，仲有個驚喜位係個蝦頭，估唔到有咁多蝦膏，勁香甜，撩下撩下好滋味🤤
#煎蓮藕肉餅-朋友話呢味係功夫菜，自己唔會整，所以點左黎食，肉餅做得幾鬆，上枱亦好熱辣辣，可惜就係太咸，或者要黎送飯就岩岩好
#古壇酸菜天然海鱸魚-初初都擔心會辣，但又想像中無咁辣，值得一賺既係，d侍應會一直留意住個碟底個蠟燭有無熄，熄左就會禽禽青黎點反著，務必令餸菜保持溫度，魚係滑既，不過略嫌清魚骨清得唔夠乾淨，間唔中有一兩塊要挑骨
#海南文昌雞-唔知係咪而家既文昌雞唔使行唔使郁，叫左半隻雞但好肥，成口肥膏，但隻雞係整得好滑既
#醉粒粒豬手-豬手切到細細粒，要黎送啤酒好正，d毛都算處理得乾淨，只有一兩舊仲有少少，算合格啦
最後，想講一件事，我地點餐係7點，但去到8點所有菜都上左，淨係差個龍蝦未到，咁我地正常都追啦，追左幾個侍應，最後頂唔順追個經理，但個經理竟然話：有成200個餸要整呀，唔等得既取消啦，態度勁晦氣，我地心諗：咁唔鍾意，不如辭工啦，我地等左成個鐘都未到先追姐，使唔使咁既態度呀？！
後來見佢同其他食客都係嘈交收場，下！原來而家興咁服務架？廢解！餐廳野食係好味既，亦值得黎，但有呢個19經理，真係倒米壽星，如果有呢間餐廳老闆見到，希望會正視呢個問題
Post
