Video
Read full review
2018-11-21
13128 views
由於另一半一直係地獄廚神Gordon Ramsay既Fans，佢會睇佢啲節目，本來早幾個月之前，大約5月已經一早打算訂「Bread Street Kitchen」(我預2星期前打去訂位)食佢想試好耐既Beef Wellington同佢慶祝生日，點知「Bread Street Kitchen」居然係10月既時候結業，真係好無奈！全部心機白費哂，之後先知原來會開另一間「Maze Grill」，景色仲好吸引，對住超大既維港景色，但又點知呢一間餐廳因為新開，訂座情況十分之厲害，打電話永遠冇人聽，後尾先知道原來係網上訂立，但係你早一個月前Book都Book唔到，我果時好擔心，因為真係好想帶佢黎食，特別係佢生日，於是就搏下直接walk in訂位，本身都冇乜期望，因為覺得呢啲餐廳應該都係要跟足規矩做野，點知，同另一半早左2星期黎一齊問下仲有冇得Book，居然有！！！雖然好冇驚喜地係另一半面前book位，仲要係佢面前要求寫生日快樂係甜品碟上面，但係佢生日正日訂到位真係好開心！餐廳環境位於海港城既4樓，位置比較隱蔽少少，但有大大個Gordon Ramsay迎接你餐廳燈光昏暗，同一般西餐廳一樣以燈光製造氣
餐廳環境
位於海港城既4樓，位置比較隱蔽少少，但有大大個Gordon Ramsay迎接你
餐廳燈光昏暗，同一般西餐廳一樣以燈光製造氣氛。
景色真係冇得輸！對住個十分大既維港景色，好靚好浪漫。
本身要求左住Window Seat，店員比左個唔係Window Seat既位我，於是我就問：「唔好意思，之前要求左想坐Window Seat。」點知店員回應：「我地全部都係Window Seat黎架喎！」我當下覺得好無奈，點會咁樣回應客人，之後見到有一張Window Seat空左，我要求住果張，店員：「咁你出去等等先啦！」噢，已經令我同另一半對呢間餐廳留下壞印象。
餐牌
係呢啲餐廳食一家係貴精不貴多，選擇唔算太多，不過我地都係為左Beef Wellington而黎，所以好快揀好。幫我地落單既外國店員目無表情，好似好唔耐煩咁，點解，店員都係咁……?
之後，又發生左另一問題，由於係另一半生日，對住咁靚既海景，再加上會食Beef Wellington，就叫左半枝紅酒飲，今次係另一個外國店員招呼，佢斟酒既時候，居然斟到灑哂出黎，之後就好輕佻咁話「Oh, Sorry.」，呢間餐廳因為係出左名串嘴既地獄廚神Gordon Ramsay開，唔通特登要店員咁差對客人襯返Gordon Ramsay？咪玩啦！
餐包
用左一舊好似木頭造型既盛起牛油，牛油軟滑，但今晚未食正餐已經有第4個問題，店員問仲要唔要多份餐包，我地答左：「要。」點知係冇黎到，但張單有入我地要左2份麵包。噢，已經完全令我同另一半對呢間餐廳留下壞印象。
Sliced Snapper $118
配上Pork crackling(炸豬皮條),Coriander, Ponzu。叫呢一碟前菜係因為另一半睇網上報導話香港有限定菜式，但佢又唔記得左係邊樣，於是問店員，店員就話係呢款，所以叫左呢個(食完返去搵先知應該Traditional Ploughman’s Pork Pie先係……唔知店員係咪求其敷衍)。每塊切得厚身，新鮮，但比較清淡，配上少許醬油確係調出其鮮味。
Beef Wellington $888
Beef Wellington
$888
117 views
0 likes
0 comments
Beef Wellington
$888
147 views
0 likes
0 comments
Beef Wellington
$888
137 views
0 likes
0 comments
我同另一半黎呢到就係為左食佢，冇得預先Order，有時會賣哂就冇，好彩今晚仲有。要等大約45分鐘，除左主角Beef Wellington，仲會配上Mash Potato同埋Peppercorn Sauce。真係十分期待，之前係其他餐廳食過一次真係好一般，黎Gordon Ramsay既餐廳，食佢既拿手菜式真係令我有好大期望，雖然唔係佢煮既，但做得佢餐廳既廚師們實力理應都係不容忽視，但係……果然令我好失望。用既係Filet牛排，牛排會先醃至煎，然後抹上芥末醬，之後最外層係酥皮，入面有Ham、磨茹碎裹住Filet牛排，這道菜最考功夫一定係用酥皮包住咁大件牛排，同埋掌握好烘烤時間。上枱見到好靚仔，每塊大小一樣，色澤粉嫰，但係，又係切開就成件散哂，磨茹sauce發揮唔到將酥皮同牛排黏住既作用(我其實都唔太肯定一切散開係正常定係唔正常)，由於散得太開，要自己先放酥皮入口，再放牛排入口先食到完整既Beef Wellington，酥皮尚算夠脆身，但唔夠牛油香，只有脆度少了香口，磨茹sauce同牛排其實都係美味，磨茹sauce好惹味而且食完既味道久久留在齒頰之間，而牛排熟成度剛好，帶肉汁，但有啲似各有各既美味，食唔到完整Beef Wellington既口感同層次，加上賣$888，仲要係Gordon Ramsay餐廳下既名菜，我本身諗住食完我會「嘩」一聲然後好驚訝，但呢碟完全冇令我咁做。
Slow cooked apple served for 2 $158
Slow cooked apple served for 2
$158
91 views
0 likes
0 comments
Slow cooked apple served for 2
$158
60 views
0 likes
0 comments
Slow cooked apple served for 2
$158
70 views
0 likes
0 comments
其實因為我Remark左要寫字係甜品碟上面所以先點一個甜品，點知原來餐廳有提供另外一份小型for生日既甜品。揀左呢款係Baked apple pie，食完哂先叫都唔算等好耐，大約15分鐘左右，份量真係好大，而且入面既蘋果都係大大一件，唔係切到細細粒果種，外層脆口而且帶好重牛油香，內裡蘋果夠多，配上雪榚又唔會太甜，估唔到全晚最好食既係呢碟甜品……
Birthday treat $0
Birthday treat
83 views
0 likes
0 comments
呢個就有驚喜到，因為睇單先知原來不收費，寫上左生日訊息再有一小件朱古力蛋糕加蠟燭，呢個服務係高級餐廳唔收費真係估唔到。
埋單$1500左右
點解會比差評，原因好簡易，餐廳職員態度真係十分之差，比咁既價錢得到咁既對待，再加上食物比期望中差好多，係咪打住Gordon Ramsay既名義就可以咁樣呢？要唔要黎幫襯，大家自己諗下。
Post
