Pantry Bread & Pastries (Closed)

食了個普通午餐，就食個精緻甜品補償自己！呢間餅店新開，評論唔多但相片賣相唔錯，加上比較近，去到門面好光鮮，門口有兩張小圓枱，可以坐在門口食（不過對住車路無景觀，坐門口除了方便食煙嘅人，好像無乜吸引力）西餅放在近門口位置，款式好精緻，另外一邊係放曲奇！好多唔同嘅款式！女店員見我選擇困難症發作，過來解救我，佢有條理問我：鍾意食邊類蛋糕？朱古力鍾意牛奶定黑朱古力⋯⋯最後幫我揀咗Chocolate Dome, 本來我買一件，佢又提議我買多件，因為一件只用袋，兩件可以有盒（呢個比較唔friendly,當然可以堂食最好)幸好同事都食，就揀多件「檸檬芝士餅」，佢用盒包好之後，向我展示後再加個紙袋，再提醒我西餅用膠紙固定，攞起時小心（好細心 ），膠叉有膠袋，衛生啲！Chocolate Dome:半圓形小山，灑滿朱古力粉，中間兩層鬆軟朱古力蛋糕，夾住一層特濃朱古力慕絲，雖然全部都係朱古力味，口感好豐富！檸檬芝士餅：本來在櫥櫃時，無上面嘅檸檬乾，賣相靚但味道酸澀，應該只係裝飾，薄薄檸檬皮包住芝士慕絲，好滑，芝士味唔濃，唔會膩，上面士多啤梨表面已乾，好酸！一般！雖然價錢都幾貴，一分錢一分貨，下次一定試下堂