DINELAND

Open Now

Now Closed

淨係叫咗一個飯六隻雞翼一個薯條一個Pizza，啲嘢食不過不失，但係佢啲雞翼去到最後得返20mins嘅時候都未上😓催佢上之後又要好快速咁樣食完，但係啱啱炸起又熱…. （雞翼影唔切呀，一上嚟就要趕住食）而且職員唔係咁友善，當日朋友生日諗住叫A職員幫手影張相，我哋已經坐好晒同埋朋友已經拎住咗個蛋糕準備影相，點知有紋身個位B職員黑口黑面咁攞住張單同埋信用卡機過嚟問用咩俾…..大佬發生咩事呀？即刻極差feeling…姐係你見唔到影緊相定係俾錢嗰度要咁急？嗰陣時八點咋喎，你哋舖頭應該未閂門喎，等1至2秒，你位同事幫我哋影完相之後再問我哋用咩俾會唔會咁樣好啲呢？ 切蛋糕連埋食加埋都冇10分鐘，已經好快咁樣費事阻住你張枱，已經執嘢走人，朋友同我講咗一句，你就即刻過嚟同我哋講唔好意思8:00要交枱。哇即刻走人，簡直趕客首先嘢食唔係話超級出色，只不過係不過不失，而且價錢又唔係話平，但係得到咁樣嘅服務態度真係唔會再有第二次嚟食。同區嘅其他西餐廳比你們更好。