Video
Read full review
2010-08-03
25 views
今日因為工作關係又同同事經過荷里活廣場一上電梯就先去食個雪糕消消暑去到見到一位呀叔同佢太太係到揀雪糕話用渣打銀行雙球送雙球優惠但係個位呀叔同佢太太指示好唔清楚呀叔指住個Strawberry Cheesecake但係佢太太話要士多啤梨跟住店員哥哥好有禮貌問:「唔好意思呀，請問係咪要士多啤梨既？」跟住個呀叔好大聲咁鬧人話：「依隻呀！你有無聽人講野嫁？講咁多次都聽唔到人講野！」店員哥哥即刻呆左，另一位肥肥地既店員哥哥都即刻驚訝咁望過黎我心諗：「你地自己指示咁唔清晰仲要大聲鬧人咁惡既．．．」之後無啦啦又發另一位肥肥地既店員哥哥脾氣大叫：「收錢！」跟住肥哥哥唔清楚發生咩事好無奈咁同佢地收卡搞優惠大家都知你要優惠就要幫你搞下手續之後個呀叔又話人手腳慢跟住肥哥哥同佢解釋：「因為小姐張卡讀緊呀，麻煩等等。」最後搞完一輪佢地終於行左去坐低食我同同事都覺得個呀叔好過份，個兩位店員哥哥好慘牙之後我叫左個雙球 Cookies&cream加Strawberry同事叫左Mango加牛奶拖肥(唔識佢個法文XDD)好好食呀＾＾肥哥哥個樣本身好似好惡，原來好好人又好溫柔＾＾跟住我地比完錢之後個呀叔又行過黎拎左張意見表之
一上電梯就先去食個雪糕消消暑
去到見到一位呀叔同佢太太係到揀雪糕
話用渣打銀行雙球送雙球優惠
但係個位呀叔同佢太太指示好唔清楚
呀叔指住個Strawberry Cheesecake
但係佢太太話要士多啤梨
跟住店員哥哥好有禮貌問:「唔好意思呀，請問係咪要士多啤梨既？」
跟住個呀叔好大聲咁鬧人話：「依隻呀！你有無聽人講野嫁？講咁多次都聽唔到人講野！」
店員哥哥即刻呆左，另一位肥肥地既店員哥哥都即刻驚訝咁望過黎
我心諗：「你地自己指示咁唔清晰仲要大聲鬧人咁惡既．．．」
之後無啦啦又發另一位肥肥地既店員哥哥脾氣大叫：「收錢！」
跟住肥哥哥唔清楚發生咩事好無奈咁同佢地收卡搞優惠
大家都知你要優惠就要幫你搞下手續
之後個呀叔又話人手腳慢
跟住肥哥哥同佢解釋：「因為小姐張卡讀緊呀，麻煩等等。」
最後搞完一輪佢地終於行左去坐低食
我同同事都覺得個呀叔好過份，個兩位店員哥哥好慘牙
之後我叫左個雙球 Cookies&cream加Strawberry
同事叫左Mango加牛奶拖肥(唔識佢個法文XDD)
好好食呀＾＾
肥哥哥個樣本身好似好惡，原來好好人又好溫柔＾＾
跟住我地比完錢之後
個呀叔又行過黎拎左張意見表
之後問肥哥哥岩岩比佢鬧個位店員哥哥員工編號
肥哥哥個表情完全係咁樣＝＞
之後話：「其實我唔係好清楚，你要問返我同事ｗｏ先生。」
跟住個呀叔真係走去問店員哥哥，
店員哥哥都講左比佢知
跟住個呀叔仲想拎人地支筆走
我同我同事都覺得好莫名其妙，點解香港會有ｄ咁唔講道理既人？
自己指示唔清晰，人地覆佢一次就鬧人唔聽佢講野，佢根本無講過自己要乜
淨係係到係咁篤個玻璃牆，佢太太話要Strawberry，佢自己係到篤Strawberry Cheesecake
正路都要問清楚你到底係要乜嫁啦，一陣比錯你點算呀？
食少少野都搞到成件事咁唔開心
依種小氣既男人最討厭
Post