越中意 (Closed)

自選茶餐$33 越式雞絲河粉 越式粉卷 熱奶茶越式雞絲河粉: 粉底比較淡，應該冇落味精，雞絲數量比較少，而且有d'鞋'。姐姐上菜果陣會問你要唔要辣椒(即係辣椒粒，香葉，青檸)。我加曬落去，今到個湯香左。一開始落果陣唔辣，但係會越食越辣，不過都係少少辣，反而到個湯更香。所以建議食果陣，一定要落d香料，因為唔落就成個面真係好普通。粉卷嘅外表唔太吸引，好似普通腸粉，但係一食落口，就會發覺佢同普通腸粉完全唔同，佢比一般腸粉香好多，而且上面嘅香料好脆，夾埋下面d腸粉，上脆下軟，口感十足，值得推介。奶茶可能茶嘅比例太多，好澀口，一d都唔滑，即使加左糖都冇用。所以我最後都冇飲完。Overall個茶餐都幾抵食，33蚊，食得飽，都幾好味。不過記得唔好叫奶茶。