阿翁廚房 (Closed)

之前同朋友係天悅買野，買完之後搵下附近有咩食，見到阿翁廚房好似幾吸引就泱定去試下。間餐應係天悅附近嘅一條巷仔，有Ｄ隱蔽，要花小小時間搵下。呢度主要食上海菜，不過同朋友見到雞煲都忍唔住叫左。雞煲好多配料，而且好入味，小辣啱啱好。我地仲另外加左南瓜、玉子豆腐同紅薯粉，索晒Ｄ汁好正。除左雞煲，我地仲叫左小籠包。呢度個小籠包好多汁，又熱辣辣，真係好好味。見到佢地個鍋貼係自己包，點都要試下。冇諗過連鍋貼都咁多汁，Ｄ餡又多又香，的確唔錯!另外仲試左酸辣湯同奶油津白，相比起黎冇特別，但都好足料。店員好親切，同我地介紹有咩好食，服務都好好，有機會會再黎試其他野食。