麺処一家 (Closed)

咁岩今日放假，聽朋友講麵處一家好正，所以特登過嚟試一試。當日12:00pm就到，無需排隊等位，直接入座。點餐點了以下這款：店長推介先試一試豚骨魚介醬油湯底，湯底有濃濃既豚骨醬油味，略為偏鹹，食完碗拉麵有點口渴。至於叉燒，有火炙豬腩肉及慢煮豬肩肉兩款，火炙豬腩肉肥瘦均勻，叉燒曾火炙過，比較香口及有口感。慢煮豬肩肉比較滑同淋身，略帶鹹味。拉麵份量比較少，配料有溏心蛋，筍，紫菜，洋蔥，蔥。麵處一家位置非常方便，座落於厚福街，地鐵站行過去只需5分鐘。