度小月 (時代廣場) (Moved) New Location

今日lunch 同幾個同事想食台灣野，就黎左銅鑼灣呢間度小月，因為都幾多人，所以排左陣隊！必叫既祖傳肉燥飯，醬汁非常下飯，魯肉肥瘦度剛剛好！入口好嫩滑又吸哂醬汁既味度！烤昭興香腸，外皮烤得好香脆，帶點酒香，十分滋味！蚵仔酥脆卜卜，加左胡椒鹽，非常惹味！入面蚵仔好軟同彈牙，簡直食唔停口，好推薦！我地仲叫左煲三杯雞，雞肉好嫩滑入味！調味非常足，醬汁勁下飯，岩哂重口味既我啊！飲品我叫左荔枝乳酸加魔豆，飲落酸酸甜甜，清爽又開胃，魔豆有咬口，岩哂夏天飲！呢間台灣店食物性價比高，一定會再黎呢！