Video
Read full review
2020-02-01
812 views
本來冇諗住寫食評 但基於無聊同少少既憤怒 第一次學人寫。茶木向香港仔都開左好多年 但我都係一次都未食過 今次基於某D原因 終於去試一試。一到門口 第一個感覺係「座無虛席」既相反詞（我唔知叫咩 我自問中文水平好差） 可能係我早到既關係 現場大把空位 任坐唔嬲 不過有樣嘢好奇怪 明明第二行就有卡位 侍應偏偏要帶我去遠D既卡位坐 呢樣我就真係唔明白😅。廢話唔多講 直接講野食 今次我就嗌左三樣野食 一杯野飲 先講講鹽酥雞 我就先唔明個金黃既意思係乜🤥 究竟係加左鹹蛋黃定係個外表金黃色呢 原先兩者都唔係 外表色水偏淡 又唔係加左鹹蛋黃 就係一份普通既鹽酥雞 金黃呢個形容詞可以完全無視 我憤怒既原因大部份都係因為佢 唔係講佢太普通既問題 而係份量上既問題 睇餐牌好靚 好大份 有九層塔葉 感覺上好完美 但現實上 根本就係一份雞粒 又冇九層塔葉 非常簡陋 份量上更似一款小食 少得可憐 明明係晚餐時間 我以為自己食緊下午茶😪。古早味三杯中卷 簡單講就係魷魚圈 味道偏甜 有咬口 但冇咩魷魚味 味道上可以 但份量既問題
茶木向香港仔都開左好多年 但我都係一次
都未食過 今次基於某D原因 終於去試一
試。一到門口 第一個感覺係「座無虛席」
既相反詞（我唔知叫咩 我自問中文水平好差） 可能係我早到既關係 現場大把空位 任坐唔嬲 不過有樣嘢好奇怪 明明第二行就有卡位 侍應偏偏要帶我去遠D既卡位坐 呢樣我就真係唔明白😅。廢話唔多講 直接講野食 今次我就嗌左三樣野食 一杯野飲 先講講鹽酥雞 我就先唔明個金黃既意思係乜🤥 究竟係加左鹹蛋黃定係個外表金黃色呢 原先兩者都唔係 外表色水偏淡 又唔係加左鹹蛋黃 就係一份普通既鹽酥雞 金黃呢個形容詞可以完全無視 我憤怒既原因大部份都係因為佢 唔係講佢太普通既問題 而係份量上既問題 睇餐牌好靚 好大份 有九層塔葉 感覺上好完美 但現實上 根本就係一份雞粒 又冇九層塔葉 非常簡陋 份量上更似一款小食 少得可憐 明明係晚餐時間 我以為自己食緊下午茶😪。古早味三杯中卷 簡單講就係魷魚圈 味道偏甜 有咬口 但冇咩魷魚味 味道上可以 但份量既問題同上 我就唔多講了。今晚最高分已經係呢碟意粉 茄汁味幾濃 手工面幾煙韌 份量正常 有翻少少食晚飯既感覺。飲品上 奶蓋唔算好飲 又未至於好似M記既奶蓋 質感上一飲就想嘔（個人口味） 味道微咸微甜 不夠濃味 茶味又唔算好出。價錢上 以上4樣野 合計270有找（連加一）實在唔抵食 呢個價錢我相信在隔離薩利亞會夠我地兩個人食到嘔出嚟 不過薩利亞係出名平 又唔可以拿嚟做標準。😎
整體講 自問食量大既人想食一餐價錢相宜又份量十足既晚飯既話 呢間你可以放棄。（我食完之後仲要去麥當勞買個包食先至夠） 味道其實整體唔錯 只係份量太少 作為晚飯嚟講。但自問就....絕無下次的光臨。
（本來冇諗住寫食評，所以冇食物圖，只有單據一張）🤷🏻♂️🤷🏻♂️🤷🏻♂️🤷🏻♂️🤷🏻♂️
Post