澳門茶餐廳 (Closed)

三個女仔去行街，行咗幾個鐘，好鬼死攰呀，原本諗住去義順食豬扒包，但好鬼死多人，好友提議去澳門茶餐廳食，係附近就無所謂啦!上到二樓，有成大張卡位坐，好舒服，叫咗兩個下午茶餐，三個女仔分，有酥皮黃金盒，其實係類似台灣既地道美食棺材板，一塊西多士，中間有個窿放滿白汁雞肉，呢個幾特別，幾好食，不過建議唔好將糖漿直接倒上西多士度，因為雞肉既鹹同糖漿既甜混合埋一齊食既味道會比較怪，最好分開嚟食。另外仲叫咗客豬扒包+炒蛋，豬扒包都幾脆，不過如果可以再熱d就更加好，豬扒都幾“淋”，炒蛋就不過不失啦，仲要咗兩杯紅荳冰同埋凍薑汁好立克，要少冰，不過嚟到時杯薑汁好立克都無少冰。我要果杯薑汁好立克就普普通通啦。佢地話紅荳冰就OK。飽到死，果晚好鬼夜先食得落晚飯。不過，有一樣野要提一提，個廁所好鬼死污糟，好濕呀，因住跣親d客人呀。