花居酒屋 (Closed)

一早就訂咗枱兩位，去到被安排坐一個近廁所嘅兩人枱，本身感覺都唔太舒服，而且靠牆果一邊嗰個位設計只係得半張凳嘅Size ，連箍臣都放唔到。同職員講回覆係"張枱係咁 我哋冇其他枱啦"搞到食餐飯都唔舒服。不過10幾分鐘之後好似有其他客人no show，所以就可以調去其他枱。食物方面刺身來講唔算10分新鮮，佢有好多芫荽嘅新產品，可能係食住最近芫荽嘅熱潮，但都表現唔太出眾。酒品來講佢冇咗之前加錢清酒任飲嘅優惠，咁相對有冇咁抵因為佢單價嗰啲唔算係啲咩名釀。整體黎講食物質素可以但相對於價錢荃灣會有更好嘅選擇。