Video
Read full review
2021-01-31
453 views
我同朋友係食2:15-4:15呢個時段，當日大概2:19pm 入座，2:50pm上飲品，15:16上野食，唔知係咪當日比較多人，所以上菜時間耐左呢？🤔餐廳環境方面，大堂金碧輝煌，配埋水晶吊燈，華麗典雅，大堂打卡都夠哂靚❤️ 而餐廳嘅裝修亦係英式設計，雲石餐枱、英倫大梳化，連茶杯茶壺係英倫風，印有玫瑰圖案🌹。呢到嘅下午茶擺盤比較特別，係座地三層架，有半個人咁高，而每隻碟都有靚靚玫瑰花邊，相當適合打卡！可惜現場燈光比較暗，影相都有d難度。雖然打卡未必有其他餐廳咁光猛，但正因為燈光暗暗地先有情調嘛，環境氣氛係舒服嘅，枱同枱之間又有足夠距離，唔會好嘈，約三五知己黎食個tea，傾下計都唔錯呀！至於食物方面，英式下午茶包括：🍱鹹點：【朗廷三文治】（龍蝦、煙三文魚）個包有點乾，但中間嘅醬係幾好食。【海德公園】（蕃茄忌廉、水牛芝士、原種蕃茄）賣相幾靚，幾中意佢個蕃茄味。【鵝肝醬】（開心果無花果醬甜麵包）有果醬甜甜地，中和到鵝肝果重漏漏地嘅感覺，唔錯！【蘆筍蟹肉撻】（蟹肉沙律及松露）不錯不失，都食到有蟹肉，松露味就唔算好突出。🧁甜點：【冬日粉紅淑女】（法式泡芙配果仁糖霜及濃郁柚子）本來滿心期待，因為佢最靚
餐廳環境方面，大堂金碧輝煌，配埋水晶吊燈，華麗典雅，大堂打卡都夠哂靚❤️ 而餐廳嘅裝修亦係英式設計，雲石餐枱、英倫大梳化，連茶杯茶壺係英倫風，印有玫瑰圖案🌹。呢到嘅下午茶擺盤比較特別，係座地三層架，有半個人咁高，而每隻碟都有靚靚玫瑰花邊，相當適合打卡！
可惜現場燈光比較暗，影相都有d難度。雖然打卡未必有其他餐廳咁光猛，但正因為燈光暗暗地先有情調嘛，環境氣氛係舒服嘅，枱同枱之間又有足夠距離，唔會好嘈，約三五知己黎食個tea，傾下計都唔錯呀！
至於食物方面，英式下午茶包括：
🍱鹹點：【朗廷三文治】（龍蝦、煙三文魚）
個包有點乾，但中間嘅醬係幾好食。
【海德公園】（蕃茄忌廉、水牛芝士、原種蕃茄）
賣相幾靚，幾中意佢個蕃茄味。
【鵝肝醬】（開心果無花果醬甜麵包）
有果醬甜甜地，中和到鵝肝果重漏漏地嘅感覺，唔錯！
【蘆筍蟹肉撻】（蟹肉沙律及松露）
不錯不失，都食到有蟹肉，松露味就唔算好突出。
🧁甜點：【冬日粉紅淑女】（法式泡芙配果仁糖霜及濃郁柚子）
本來滿心期待，因為佢最靚，上面果層泡芙配柚子，係幾好食，有濃郁柚子味，唔會太酸，但下面嗰層配果仁糖霜嘅泡芙就太甜，我食咗一啖就食唔到落去🤭
【蒙布朗蛋糕】（杏仁朱古力蛋糕配自家製杏脯醬）
濃郁嘅朱古力味，蛋糕都幾綿軟，唔錯。
【紅頰珠士多啤梨撻】（靜岡縣紅頰珠士多啤梨、薄荷奶凍、雲呢拿撻）
呢個味道最清新，士多啤梨唔會太酸。
【爆脆黑朱古力棒】（黑朱古力配爆炸糖及百香果乾）
呢支棒咬幾啖就食完，都幾中意佢呢隻黑朱古力味，雖然最後先食佢，但係食嘅時候都重係好脆。
整體而言，食物係唔錯，你知啦！下午茶有d真係只可打卡，食落唔掂架嘛，但呢間都算唔錯，員工服務又幾好，係等得耐左少少而已。
Post
