Video
Read full review
2021-01-03
953 views
星期日去咗將軍澳康城個新商場行下，嗰度開張無耐，所以有起碼一半舖未開。🇨🇷估唔到商場有泰菜食－「亞泰」，咁啱我哋又好耐無食，所以就二話不説入去幫襯。由於我哋早去，所以一入就有位，但後尾坐滿哂人！餐廳面積唔大，不過環境幾好，行暖色調🌿。餐廳定價唔算貴，份量亦正常。菜式選擇花多眼亂，有勁大本餐牌。冬蔭海南雞湯河($75)，🍜冬陰功湯同海南雞都係我鍾意食嘅嘢，兩樣夾埋係超正嘅組合！海南雞份量好多，雖然唔係去骨，但亦都好厚肉。冬陰功湯底偏酸，幾開胃🤤；河粉幼身兼掛湯。你睇吓啲雞幾白𠽌𠽌🐔！泰式菠蘿海鮮炒飯($98)，🍍菠蘿炒飯絕不欺場，用上菠蘿殼做器皿。炒飯面頭有好多肉鬆同腰果，好易摷跌，好彩下低有隻碟墊住。🍚炒飯飯粒分明，海鮮種類多元化，而且仲有三色豆以及估唔到嘅臘腸。馬拉盞炒通菜($68)，唔好睇個樣無乜特別，實則佢係超好食😋，勁惹味。通菜本身幼嫩，無渣。馬拉盞鹹香濃郁，而且帶點微辣🌶，好想配白飯食吖。椰汁雞湯($68)，二人份量啱啱好，雞湯熱辣辣，正啊🔥。椰香撲鼻而嚟🥥，飲落仲酸酸哋添。湯底睇得出用上好多唔同香料煲！雞湯賣呢個價錢真係抵。青檸梳打($28)，🍋青檸如果多啲就好。泰國鮮椰青
星期日去咗將軍澳康城個新商場行下，嗰度開張無耐，所以有起碼一半舖未開。🇨🇷估唔到商場有泰菜食－「亞泰」，咁啱我哋又好耐無食，所以就二話不説入去幫襯。
由於我哋早去，所以一入就有位，但後尾坐滿哂人！餐廳面積唔大，不過環境幾好，行暖色調🌿。餐廳定價唔算貴，份量亦正常。菜式選擇花多眼亂，有勁大本餐牌。
冬蔭海南雞湯河($75)，🍜冬陰功湯同海南雞都係我鍾意食嘅嘢，兩樣夾埋係超正嘅組合！海南雞份量好多，雖然唔係去骨，但亦都好厚肉。冬陰功湯底偏酸，幾開胃🤤；河粉幼身兼掛湯。
你睇吓啲雞幾白𠽌𠽌🐔！
泰式菠蘿海鮮炒飯($98)，🍍菠蘿炒飯絕不欺場，用上菠蘿殼做器皿。炒飯面頭有好多肉鬆同腰果，好易摷跌，好彩下低有隻碟墊住。🍚炒飯飯粒分明，海鮮種類多元化，而且仲有三色豆以及估唔到嘅臘腸。
馬拉盞炒通菜
$68
6 views
0 likes
0 comments
椰汁雞湯($68)，二人份量啱啱好，雞湯熱辣辣，正啊🔥。椰香撲鼻而嚟🥥，飲落仲酸酸哋添。湯底睇得出用上好多唔同香料煲！雞湯賣呢個價錢真係抵。
青檸梳打($28)，🍋青檸如果多啲就好。
泰國鮮椰青($38)，椰青真係無乜好講🤣，椰青大大個，椰水清甜。
總括嚟講，康城依間唯一嘅泰菜店出品都唔錯！如果夾啱時間，呢度更提供套餐優惠添，簡直係益街坊價，難怪咁多人幫襯😁。
Post
