亞泰

Open Now

Now Closed

康城新商場陸陸續續多左店鋪進場，八卦過黎行下先。呢到餐廳唔算多，朋友想食泰國菜所以一於試下呢到，叫左 火車頭雜錦船河($78)、泰式車仔凍檸($68)、蝦頭油海鮮炒飯($78)、泰式拼盤($78)、龍眼冰($28)、青檸梳打($28)火車頭雜錦船河：平時叫野食最中意一定係揀雜錦，因為可以每樣都食下😜裡面有肥牛、扎肉、貢丸、豆卜、泰式餃子。船河湯底味道香濃而且唔會過鹹，令整碗湯河同D配料都吸收到D味道，夠惹味😋泰式餃子大大隻夠飽滿，肥牛都幾大片下😄泰式車仔凍檸：佢係好似車仔麵形式咁，喺7款配料當中自己揀3款配料，今次我地揀左豬頸肉、豬扒、扎肉，份量都唔算少，而且肥瘦適中👍🏻落埋凍檬汁之後，撈埋青瓜絲、蘿蔔絲、花生等一齊食幾香口😋蝦頭油海鮮炒飯：個炒飯都炒得幾均勻，飯粒分明夠乾身，而且唔會有D太濃味有D就無味咁，蝦同魷魚配合蝦頭油黎炒更加鮮味😉黎張合張先泰式拼盤：即係有泰式春卷、蝦餅、鳳凰丸，拼盤當中蝦餅真係最正，大大件，食落又彈牙爽口，點埋甜酸醬黎食真係一流🤤大合照😍青檸梳打：飲落好冰涼兼夠氣，味道清新夠晒解渴😉龍眼冰：滋潤飲品，喉嚨少少唔舒服飲佢就最啱，仲有D龍眼肉可以食下😊呢到要加一