京滬佳餚 (The LOHAS康城) (Closed)

今晚同男朋友行下康城，順便食個晚餐。呢間裝修別緻，服務態度好好，食物質素又唔錯。茶要左壽眉，有碟前菜。京滬擔擔麵男朋友激讚，麵質爽口，湯底濃稠，聞到麻辣味好香，但食落又唔會太辣，好正。爆汁牛肉煎餅要小心啲食，因為真係一咬就會爆晒啲汁出黎，好勁。松鼠黃魚好香脆，無油膩感，而且醬汁好開胃，好食。京滬酥烤填鴨(半例)既配料有6款: 蒜蓉、心內美、填鴨醬、京蔥、白糖、青瓜。餅皮好薄，絕對有足夠既份量。鴨皮已經片走晒啲肥膏，鴨皮香脆，肉質嫩滑。2杯Cocktail：花語同赤曲之情。花語易入口，清甜帶花香味。佢連外型都整到好似一朶花甘，好有心機。赤曲之情有多層，首先飲到茶味，繼而酒味，最後係熱情果味。