鼎王麻辣鍋 (The LOHAS) (Closed)

今晚相約住在康城的朋友食飯, 佢說開左間正宗台式麻辣鍋 #鼎王麻辣鍋, 之前去台灣都有食開, 大愛佢地麻辣鍋, 任添鴨血豆腐都係一個買點, 故想食鴨血的我們便訂枱食番餐了. 店員幫忙點了湯底，今次選擇鴛鴦鍋, 有齊麻辣鍋同酸菜鍋兩款口味, 麻辣鍋選了小辣, 上湯鍋時已有鴨血跟豆腐在內, 香味撲鼻，酸菜鍋用上高湯配合, 內有酸菜同豬肉跟上。 因上湯鍋時已有鴨血同豆腐, 我跟朋友已急不及待食左一輪, 鴨血厚切大件, 咬落很柔嫩, 滷豆腐則索晒麻辣湯汁精華, 麻辣湯底再配搭餐廳的麻辣沾醬, 我再加入香蔥, 辣得開胃很惹味, 真係忍唔住食完一舊又一舊, 故己飽了一半, 店員隨後又會好主動幫忙添加。 之後加點了白蘿蔔跟日本廣島蠔, 2款湯底都有加入, 白蘿蔔切到薄片, 故煮到入晒味, 日本廣島蠔有成10隻, 隻隻都肥嘟嘟, 味道鮮甜可口。店員不時都會添加鴨血, 換碟加水…, 服務很貼心！