亞泰

Open Now

Now Closed

喺康城唯一一間泰國嘢食就係呢間啦😜今次就星期日嚟食午餐時間就大約都等咗三個字到啦就已經有位㗎啦 。午餐時間都有相當抵食嘅選擇。今次呢就揀咗菠蘿炒飯加2串串燒。串燒相當惹未啊，啲汁同個肉係相當夾。係超級好食！。菠蘿炒飯份量都十足嘅另外就仲有香葉肉碎煎蛋飯。佢嘅煎蛋冇煎到熟晒，仲有少少蛋汁可以撈埋個飯一齊食。再撈埋肉碎其實係相當開胃，啲肉碎係有少少辣味，如果唔係太食得辣嘅人可能要揀其他啦。加咗個泰式春卷同埋椰汁珍多冰。春卷就表現平平冇乜特別。椰汁珍多冰就相當重椰味，可以一試。