Video
Read full review
2021-09-22
441 views
康城商場新開張都差唔多一年，大部份餐廳我都試過，其實就同出邊普通嘅大商場都冇乜分別，都係連鎖店多。而呢一間「陳勤記」冇記錯就只有上環一間老店，同時佢都係米芝蓮推介嘅餐廳。今日我哋一行四人13:30左右嚟到呢度食午餐，唔使等位。我哋分別叫咗兩個滷水鵝飯$78x2，菜脯玉蘭炒米粉$72同埋西蘭花炒牛肉$79；同時都加咗兩個西洋菜豬雜湯$8x2。滷水鵝飯啲料都幾足，起碼佢都俾咗兩塊鵝片我，鵝肉唔鹹，有肉味，好唔錯；炒米粉好有鑊氣，炒得好乾身，乾身得來啲米粉又有彈性，啲材料就普普通通，肉絲就冇乜味，我都揀晒出嚟冇食，但淨係食佢啲米粉都夠皮。最推介最推介最推介就係佢嘅湯，我明知道Mcdull飲唔晒我都叫多碗，加$8真係好抵。碗湯好足料，入面有豬腸豬脷西洋菜，全部都係正常味，唔係乾爭爭嘅湯渣，但我今次飲落就比之前鹹，但真係好飲。西蘭花炒牛肉都炒到幾有鑊氣，當然牛肉都唔係好新鮮，個人認為西蘭花炒鮮魷會好食啲，但以出街食嘅標準黎講，都屬平均以上。真係幾奇怪點解依間餐廳成日都唔係咁多人，可能都係因為佢價錢偏貴，係咁而食個碟頭飯都70幾$80。我會繼續翻兜。Mcmug綜合評分：7/10，一定要加$8飲佢個
康城商場新開張都差唔多一年，大部份餐廳我都試過，其實就同出邊普通嘅大商場都冇乜分別，都係連鎖店多。
而呢一間「陳勤記」冇記錯就只有上環一間老店，同時佢都係米芝蓮推介嘅餐廳。
今日我哋一行四人13:30左右嚟到呢度食午餐，唔使等位。我哋分別叫咗兩個滷水鵝飯$78x2，菜脯玉蘭炒米粉$72同埋西蘭花炒牛肉$79；同時都加咗兩個西洋菜豬雜湯$8x2。
滷水鵝飯啲料都幾足，起碼佢都俾咗兩塊鵝片我，鵝肉唔鹹，有肉味，好唔錯；炒米粉好有鑊氣，炒得好乾身，乾身得來啲米粉又有彈性，啲材料就普普通通，肉絲就冇乜味，我都揀晒出嚟冇食，但淨係食佢啲米粉都夠皮。
最推介最推介最推介就係佢嘅湯，我明知道Mcdull飲唔晒我都叫多碗，加$8真係好抵。碗湯好足料，入面有豬腸豬脷西洋菜，全部都係正常味，唔係乾爭爭嘅湯渣，但我今次飲落就比之前鹹，但真係好飲。
西蘭花炒牛肉都炒到幾有鑊氣，當然牛肉都唔係好新鮮，個人認為西蘭花炒鮮魷會好食啲，但以出街食嘅標準黎講，都屬平均以上。
真係幾奇怪點解依間餐廳成日都唔係咁多人，可能都係因為佢價錢偏貴，係咁而食個碟頭飯都70幾$80。
我會繼續翻兜。
Mcmug綜合評分：7/10，一定要加$8飲佢個湯，其他嘢水準都幾唔錯。
Post
