Video
Read full review
2011-03-25
122 views
從前我與土筍凍是緣起於西灣河, 當時$3一隻是砵仔糕的size﹔我記得店主每每要周圍向食客介紹, 但係得到嘅反應就只是「咦~~咁核突~~沙蟲餵魚食嫁喎(紅色虫虫)」, 但係我就唔怕,越新奇越想試......配紅色酸辣醬, 酸酸辣辣再加上清爽的土筍及凍, 當時我覺得是人間美食身份是貧苦中学生的我都要每天為佢去儲幾蚊, 去食番兩隻來過癮過癮(最好都是拉媽媽去請我吃過夠) 一直幫襯到我結婚後的某一天, 店主話要搬去土瓜灣 但係當時店主又唔肯定搬去哪一處, 咁就不了了而無再追問 我就從此無再食過土筍凍。2011年3月21日我要去土瓜灣入貨, 臨出門口前上OR search 吓有乜特色食店, 資料顯示排頭位的是廈門風味小食 , click入再細閱各人的食評,赫然發現久違了的土筍凍 我鐵定要到訪這間食店！約了丈夫放工後去進膳, 我先到一步去找地點, 幸好憑我一個月前遊過土瓜灣的印象來摸索......一矢中之入店後第一時間叫土筍凍, $4 一隻咁兩隻呀, 唔該！, 店員姐姐話好細隻咋, 不如要4隻啦, 哦！好啦！上枱後發覺真係好細隻, 每隻的份量大約有一個手指頭左右般大, 難怪之前的食評都話要半打
2011年3月21日我要去土瓜灣入貨, 臨出門口前上OR search 吓有乜特色食店, 資料顯示排頭位的是廈門風味小食 , click入再細閱各人的食評,赫然發現久違了的土筍凍 我鐵定要到訪這間食店！
約了丈夫放工後去進膳, 我先到一步去找地點, 幸好憑我一個月前遊過土瓜灣的印象來摸索......一矢中之
入店後第一時間叫土筍凍, $4 一隻咁兩隻呀, 唔該！, 店員姐姐話好細隻咋, 不如要4隻啦, 哦！好啦！
上枱後發覺真係好細隻, 每隻的份量大約有一個手指頭左右般大, 難怪之前的食評都話要半打半打咁食, 咁細粒真係想食真d味都難 另外我相信係先入為主嘅關係, 我覺得嗰苦苦地辣辣地又有哇沙比的紅色汁與土筍凍一點也不襯, 直情可以話喺RUIN根據1094期《壹週刊》李碧華小姐寫過一篇文章關於土筍凍 http://www.kornhill.com.hk/next/magdetails.php?book=4&issue=1094&page=045019606 Openrice編輯剛剛話我篇食評使用過多引述, 咁各位看官有興趣便自行讀讀。
春卷 $10一條, 亦即是台灣的潤餅,不經油炸少了一般春卷的油膩﹔把虎苔、椰菜、豆乾、筍、蠔仔、蝦米等十餘種材料炒香作餡, 再加點花生醬、辣醬等以春卷皮包捲起即成, 風味獨特。
福建炒麵$28...油麵底, 店員姐姐話無汁而且同出面炒麵差唔多。 結果喺味道一點也不同, 材料有蛋、蝦皮仔、雜菜等, 不過就欠缺豬油渣的份兒。
五香卷$10一條, 餡內肥豬肉爽口鬆化軟糯, 腐皮炸得多脆也很有豆味, 五香粉香濃, 店員姐姐話是廈門人過年過節必吃小食 。
白灼章魚$35...眼看一定是灼到熟晒硬晒, 怎麽一句「一試便知龍與鳳」....預先白灼再放入冰箱急凍, 好一招熱脹冷縮, 時間恰到好處令章魚身鬆軟到像棉花般質地。
扁食魚丸沙茶麵$26...扁食即是豬肉小雲吞。「 扁 食 」是閩南話,不同地方則各有變化, 例如一些形狀較大似燕尾的是肉燕餃, 通常在福建、台灣等地可以食到。 不過廈門扁食就較特別, 形狀小如手指尾, 可以一啖幾粒; 這種形狀是廈門獨有。湯底是濃味豬骨湯, 再配花生醬、指天椒、蒜茸等等食材, 沙茶濃香微辣。沙茶即是沙嗲, 因為茶的潮州話讀「 嗲 」, 在沙茶醬傳到潮州及福建時,就叫作沙嗲了。
韮菜盒(2隻起) $8一隻....外皮酥脆但內餡濕潤, 手工之作！
百多元食了很多特色又美味的食物, 還有多款未試呢！Post
