囍越 (屯門市廣場) (Closed)

係屯門行完街想食野，行過頂樓就見到呢間新開既越南野，入去試下先！餐廳座位分開左2邊，中間比商場行人路隔開左。座位唔算太舒服，加上空間有限，坐落都幾迫。當日二人叫左豬排撈檬、柚子沙律、越式牛河、炸春卷。大蝦柚子沙律醬汁好香麻油味，大蝦肉食落好爽口，唔算太霉，柚子撕到一粒粒，好好食，前菜一流！豬排撈檬上面有啲炸蒜粒，撈汁就自己落既，可以根據自己喜好加多少，汁就偏酸甜，微辣，略嫌唔夠辣。 豬排炸得好香脆，啖啖肉。檬粉加埋啲汁食好開胃越式牛河、炸春卷牛河既湯底好清，用牛角熬製，配料有牛肉，牛展，牛肚，配料唔算出色，但算合格，牛肉半生熟，牛展有咬口，惟牛肚無咩味。炸春卷即叫即炸，黎到出哂煙，入口好香脆，春卷入面有雜菜絲，點甜酸醬食好好食。